اللہ کا دوست کیسے بنتا ہے

اللہ کا دوست کیسے بنتا ہے

حضرت خراز رحمۃ اللہ علیہ فرماتے ہیں کہ جب اللہ کسی اپنے بندے کو دوست بنانا چاہتا ہے تو اس کیلئے اپنے دَر کا دروازہ کھول دیتا ہے ، جب وہ اللہ کے ذکر سے لذت پانے لگتا ہے تو پھر اس کے لیے اپنی قربت کا دروازہ کھول دیتا ہے اس کے بعد اسے مجلس اُنس تک پہنچا دیتا ہے۔پھر اُنس بھی پورے طورپر حاصل ہوجاتا ہے تو اسے توحید کی کرسی پر بیٹھا دیتا ہے اس کے بعد اس سے تمام پردے ہٹا کر فرادنیت کے گھر میں داخل کر دیتا ہے اور اللہ تعالیٰ کا جلال عظمت اس کے سامنے کھل جاتے ہیں جب اس کی نگاہ جلال و عظمتِ خداوندی پر پڑتی ہے تو وہ اپنے کو بھول جاتا ہے اس وقت بندہ بالکل اپاہج اور فانی ہو جاتا ہے اور اللہ کی عظمت کے اندر آجاتا ہے اوراپنی نفسانی دعوؤں سے بیزار ہو جاتا ہے۔